लिभरपुलका प्रशिक्षक क्लोपले चेल्सीविरुद्धको खेल गुमाउने

काठमाडौं, १८ पुष ।
लिभरपुलका मुख्य प्रशिक्षक योर्गेन क्लोपले प्रिमियर लिगअन्तर्गत आइतबार हुने चेल्सीविरुद्धको खेल गुमाउने भएका छन् । क्लबले क्लोपलाई कोरोना संक्रमण पुष्टि भएकाले चेल्सीविरुद्धको खेल गुमाउने जानकारी गराएको हो। हाल उनी सेल्फ आइसोलेसनमा बसेका छन्। लिभरपुलले चेल्सीको घरेलु मैदान स्टामफोर्ड खेल्ने छ । लिगमा हाल चेल्सी २० खेलमा ४२ अंकका साथ दोस्रो र लिभरपुल १९ खेलमा ४१ अंक जोडेर तेस्रो स्थानमा छ ।