भक्तपुरमा टिपरको ठक्करबाट भारतीय नागरिकको मृत्यु
भक्तपुर, २१ बैशाख : भक्तपुरमा आज बा.४ ख ३१५६ नम्बरको टिपरले ठक्कर दिदाँ एक भारतीय नागरिकको मृत्यु भएको छ ।
भक्तपुर नगरपालिका–५ स्थित आदर्शमा आज टिपरको ठक्करबाट पैदलयात्री ४३ वर्षीय भारतीय नागरिक विसुनदेव सहनीको मृत्यु भएको जिल्ला प्रहरी परिसर भक्तपुरका निमित्त सूचना अधिकारी प्रहरी निरीक्षण स्वरुप शर्माले जानकरी दिएको छ ।
काभ्रेपलान्चोकको मण्डनदेउपुर नगरपालिका–१० ज्यामिरे घरभई बनेपा बस्दै आएका टिपर चालक ३६ वर्षीय श्यामकुमार तामाङलाई भने प्रहरीले पक्राउ गरि घट्नाको थप अनुसन्धान सुरु गरेको उहाँले जानकारी दिनुभयो ।
