भक्तपुर, २ भदौ : एक २५ वर्षीया महिलालाई बलात्कार गरि फरार रहेका सूर्यविनायक नगरपालिका–८ का ५० वर्षीय चण्डेश्वर थापालाई प्रहरीले पक्राउ गरेको छ ।

गत साउन २५ गते बलात्कार गरि फरार भएका थापालाई महानगरीय प्रहरी बृत्त थिमिको टोलीले मध्यपुरथिमि नगरपालिका–४ नयाँठिमीबाट पक्राउ गरेको प्रहरी परिसर भक्तपुरका प्रहरी नायब उपरीक्षक राजू पाण्डेले जानकारी दिनु भयो । आजै प्रहरीले पक्राउ परेका थापा बिरुद्ध कानूनी प्रक्रिया अगाडि बढाउदै थप अनुसन्धान सुरु गरेको उहाँले जानकारी दिनु भयो ।

त्यसैगरि भक्तपुर नगरपालिका–१ दुधपाटीस्थित रानीपोखरीबाट प्रदेश ३–०२–०१३ प. २६९५ नम्बरको मोटरसाईकल चोरी गरेको अभियोगमा प्रहरीले मोटरसाइकलसहित काभ्रेपलाञ्चोक पाँचखाल नगरपालिका–१३ घरभई मध्यपुरथिमि –४ नयाँ थिमि बस्ने २२ वर्षीय अनिष पाण्डेलाई प्रहरीले पक्राउ गरेको छ ।

पक्राउ परेका पाण्डेलाई आजै जिल्ला अदालत भक्तपुरमा चोरी कसुरमा मुद्धा दर्ता गरि थप अनुसन्धान सुरु भएको प्रनाउ पाण्डेले जानकार िदिनु भयो ।

तपाईको प्रतिकृया के कस्तो रहेको छ ?
+1
0
+1
0
+1
0
+1
0