उपसभामुखसहित दुई मन्त्री दिएर लोसपालाई सरकारमा ल्याउदै प्रम देउवा

काठमाडौं, २२ जेठ । कुनै पनि बेला कम्युनिष्ट फेरी एक हुन सक्ने र सरकार ढल्न सक्ने आँकलन गर्दै प्रधानमन्त्री शेरबहादुर देउवाले लोकतान्त्रिक समाजवादी पार्टी (लोसपा) लाई पनि सरकारमा ल्याउने भएका छन् । यसका लागि प्रधानमन्त्री देउवाले लोसपाका अध्यक्ष महन्थ ठाकुरसँग भेटवार्ता गरि उपसभामुखसहित दुईै मन्त्री लिएर सरकारमा सहभागि हुन प्रस्ताव राखेको कांग्रेस श्रोतले जानकारी दिएको छ ।

प्रम देउवासँगको भेटमा ठाकुरले वृहत लोकतान्त्रिक एकता बनाएर जानु पर्ने प्रस्ताव राखेको श्रोतको दाबी छ । लोसपा नेताहरुसँग देउवाका दूतहरुले भेटघाट तिव्र पारिरहेका छन् । प्रम देउवाले महन्थलाई समेत समेटेर सरकारमा लैजाने रणनीति तय गरेको कांग्रेसको दाबी छ ।