भक्तपुर, ११ भदौ : चाँगुनारायण नगरपालिकाले प्रधानमन्त्री दैवी प्रकोप उद्धार कोषमा कुल ५० लाख ३५ हजार रुपैयाँ सहयोग गर्ने निर्णय गरेको छ ।

आज नगरपालिकामा नगर प्रमुख जीवन खत्रीको अध्यक्षतामा बसेको नगरपालिकाको स्थानीय विपद् व्यवस्थापन समितिको बैठकको निर्णयअनुसार भोटेकोशी नदीमा आएको विनाशकारी बाढीबाट प्रभावित नागरिकको राहत, उद्धार तथा पुनःस्थापना कार्यमा सहयोग पु¥याउन उक्तरकम प्रदान गर्ने निर्णय गरेको हो ।

नगरपालिका प्रमुख खत्रीले बाढीका कारण रसुवा, नुवाकोटलगायतका जिल्लामा ठूलो जनधनको क्षति भएको र त्यसबाट प्रभावित नागरिकलाई तत्काल उद्धार, राहत र पुर्नस्थापनामा सहयोग पुर्याउने उदेश्यले उक्त रकम प्रदान गर्ने निर्णय गरेको बताउनुभयो ।

नगर प्रमुख खत्रीले स्थानीय विपद् व्यवस्थापन कोषबाट १० लाख रुपैयाँ, जनप्रतिनिधिबाट एक महिनाको तलब तथा सेवा सुविधा वापतको रकम रु. ७ लाख, कर्मचारीबाट तह अनुसार दुईदिनदेखि सात दिनसम्मको तलब सविभाहरु ग्रि २० लाख ३५ हजार रुपैयाँ र चाँगुनारायण नगरपालिकाका शिक्षकहरूबाट १३ लाख रुपैयाँ गरि ५० लाख ३५ हजार रुपैया रकम जम्मा गरि कोषमा हस्तान्तरण गरिने निर्णय भएको नगर प्रमुख खत्रीले बताउनुभयो ।