भक्तपुर,  ११ असोज । १९ वर्षीया किशोरीलाई जबरजस्ती बलात्कार गरेको अभियोगमा रामेछाप उमाकुण्ड गाउँपालिका–३ घर भई हाल भक्तपुर चाँगुनारायण नगरपालिका–२ दुवाकोट तल्लो हाईट बस्ने ३९ वर्षीय जयन्त थापालाई असोज ११ गते मंगलबार प्रहरीले गिरफ्तार गरेको छ ।
गत भदौ २१ गते दिउँसो आफ्नै घर कोठा बोलाएर जबरजस्ती करणी गरी फरार रहेको पीडित किशोरीले महानगरीय प्रहरी बृत्त थिमिमा भदौ २२ गते उजुरी गरेपछि प्रहरीले आरोपीको खोजी सुरु गरेको थियो ।

कप्रहरीले थापालाई घरमा आएको जानकारी पाए लगत्तै गिरफ्तार गरेको र थप अनुसन्धान अगाडि बढाएको डिएसपी राजू पाण्डेले जानकारी दिनु भयो । पीडित किशोरीको भक्तपुर अस्पतालमा स्वास्थ्य परीक्षण २२ गते गरिएको प्रहरीको भनाइ छ ।